Fatmira NIKOLLI
Thellë-thellë, të dy ndjejmë një lloj nostalgjie të dhimbshme, një dëshirë të vjetër për të besuar përsëri në diçka që kohë më parë kishte qenë për ne aq e shtrenjtë- “Kurrë mos më lër të shkoj”, Kazuo Ishiguro.
Fëmijët e shtëpisë Hailsham kanë frikë nga pyjet. Në ditët kur kujdestarët e tyre nuk janë gjithaq të të kujdesshëm a sa duhet të rreptë, miti shkollor bie dhe trupi i një djali gjendet me duart dhe këmbët e prera. Ndonjëherë ajo errësirë kërcënuese e pemëve mund të hedhë një hije të tillë që mbulon tërë shkollën, saqë një nxënës i cili i ka ofenduar të tjerët mund të nxirret nga shtrati në mes të natës, të detyruar të rrijë në dritare dhe t’ia ngulë sytë asaj.
Frika e tyre nga pyjet pasqyron, në një mënyrë të shtrembëruar, por në thelb të saktë, fatin e tyre. Ata janë dhurues organesh, të klonuar për t’u copëtuar për pjesë. Qëllimi i Hailsham është t’i përgatisë ata për të ardhmen e tyre – për të ndihmuar në instalimin e mekanizmave të fuqishëm të vetështypjes dhe mohimit që do t’i mbajë ata të qëndrueshëm nga një dhurim në tjetrin.
Anglo-japonezi Kazuo Ishiguro i shpallur sot fitues i çmimit Nobel në letërsi nga Akademia Suedeze, nuk është krejt i panjohur për publikun shqiptar.
Ka një botim të hershëm prej tij që është përkthyer në shqip dhe mabn logon e Botimeve Pegi.
Bëhet fjalë për romanin “Mos më lër të shkoj”, botuar në vitin 2006, përkthyer nga Rudi Erebara.
Subjekti i tij, ka në qendër një Ketin tridhjetë e një vjeçare, e cila kur ishte fëmijë jetonte në Heilsham. E kish kaluar fëmijërinë në një shkollë private, ku fëmijët ishin strehuar larg nga bota e jashtme, të rritur me idenë se ata ishin të veçantë dhe mirëqenia e tyre ishte e rëndësishme jo vetëm për ata, por për gjithë shoqërinë. Keti prej shumë kohësh e kishte hedhur pas të shkuarën e saj, deri kur dy nga miqtë e vet të Heilshamit kthehen sërish në jetën e saj dhe ajo nuk arrin t’i bëjë më ballë rikthimit të kujtesës.
SHKRIMTARI
Nuk është i panjohur as në botë. Fitues i Man “Man Booker Prize” për romanin “Mbetjet e ditës”, ajo është cilësuar si një kryevepëre dëshpërimit të tjetërllojtë.
E ka shkruar atë në vetëm katër javë. “Kam shkruar me dorë të lirë, pa u kujdesur për stilin apo nëse diçka që kisha shkruar pasdite ishte në kontradiktëme atë që kisha shkruar atë mëngjes. Përparësi ishte vetëm dalja e ideve në sipërfaqe dhe rritja e tyre. Fjali të tmerrshme, dialogje të shëmtuar, skena që nuk shkonin askund – i lashë ato të rrinin”, ka rrëfyer ai për The Guardian.
Romani që ka fituar nga Booker Kazuo Ishiguro është një histori e dashurisë së pashprehur për këdo që i ka mbajtur për vete ndjenjat e vërteta.
“Remains of a day” tregon se si kushtëzimi i rrethanave mund të të kthejë në armikun më të keq të vetes, duke na bërë bashkëpjesëmarrës në nënshtrimin tonë.